Kisha e “Shën Mitrit“ në Lagjen “Vakëf“ të Beratit, Viti 1607

Kisha e "Shën Mitrit" gjendet në lagjen "Vakëf" të Beratit. Mbi portën jugore të kishës gjendet një mbishkrim, i cili vërteton se kisha është pikturuar në vitin 1607: + Ουτοα ο θειος καί πάνσεπτος ναος (είς)ον προσεύχεσυαι πάντων / οίκος γάρ Θ(εο)ύ καί προσευχή(σ) υπάρχει, μήδείς ησέλθη μωησου / κακών ενθάδε κ(αί) λάβη αρανάντή της ευλογίας, ανγστορηθι δέ δι / α σηνδρομής αμαρτολού Δημητριου ιερέος κ(αί) οίκονόμου ενορέβοντος έν το ναω κακείνων Δαπαμη. Δε κ(αί) εξοδος εκ της Μονης αυτής υπαρχ(ει), ή αναγνωντες κόδηκα ταυτην ευχεσθαι καί μή καταράσται / δια των Κύριων. Εν ετη α χ ζ (=1607) μηνός σεπτε(μ)βριου Κ. “Ky tempull hyjnor dhe i gjithnderuar ku faleni është shtëpi perëndie dhe lutjeje, kërkush të mos hyjë këtu me të keq në zemër dhe të marri mallkim në vend të bekimit; u pikturua me kontributin e mëkatarit, prift Dhimitrit dhe ekonomit, famulltar në këtë tempull dhe me shpenzimet e këtij manastiri. Ju duke e lexuar këtë kondeks lutuni dhe mos mallkoni zotëritë. Në vitin 1607, muaj shtator 20” [1] .

Ikonat e mëdha të konostasit të kishës janë pikturuar nga Mihali dhe Kostandini nga katundi Fjonat, më 19 dhjetor 1861. Kjo vërtetohet nga mbishkrimi që është në ikonën e Shën Mërisë: 1861 Δεκεμβρίος 19. Διά χειρός Μιχαήλ καί Κωνσταντίνου Χιοναδήτου. “1861 dhjetor 19. Me dorën e Mihalit dhe Kostandinit fjonatëve” [2] .

Mbi bazamentin e një thimiatori të kishës është shkruar: ΜΝΗΣΘΗΤΥ ΚΥΡΙΕ ΤΩΝ ΔΟΥΛΩΝ σου Χ. ΚΙΟΥΡΟΥ και ΝΙΚΑΛΑΟΥ αυτου Συν / Γυνεξ(ι). Και τεκνεις. ΑΦΙΕΡΟΘΙ εν ΝΑΩ ΑΓΙΩΝ ΜΗΝΑ ΒΙΚΤΩΡΟΥ και ΒΥΚΕΝΤΙΟΥ / Σεπτεμβριου 1883. “Kujto o zot shërbëtorët e tu H. Kiriu dhe Nikollën të birin me gratë dhe fëmijët. Është dhuruar në tempullin e shenjtorëve Mina Viktorit dhe Vicentit, shtator 8-1883” [3] . Ndërsa mbi një kuti lipsanesh gjendet mbishkrimi: +Τουτο το κιβωτιον εινε της αγιας +ε(κ)κλησια(ς) Παναγια(ς) Βωτίτζα. Το ασιμι εινε αφιερωμενο απο τον Χατζι ναουμ και η γινι του. Αντιπροσοπον Κοσταντινου Οσμανλη. Μά(στορος) Γαβριήλ Δ.Κ. 1896 Απριλιου 30. “Kjo kuti është e kishës së shenjtë të shën Mërisë së Vodicës. Argjendi është dhuruar nga Haxhi Nauni dhe gruaja e tij. Kujdestar është Kostandin Osmanlliu Dh. K 1896 prill 30” [4] . Nga mbishkrimi i gdhendur mbi një kuti tjetër lipsanash mësojmë se ajo është gdhendur nga Kostë Kalariti. 1827 Μάστορας Κόστα Καλαρίτ. “1827 mjeshtër Kostë Kalariti [5] ”.