Kisha e “Shën Thanasit“ Pecë, Sarandë, Viti 1525

Kisha e "Shën Thanasit" është një kishë e vogël, e cila ka përmasa të brendshme 5.80x3.50 metra. Kisha është bazilikë njënefëshe me tavan. Muratura e kishës është me gurë të lidhur me llaç gëlqereje, ndërsa çatia është e mbuluar me rrasa guri. Ambienti i altarit ndahet me një ikonostas të ndërtuar me mur guri. Apsida e kishës është rrethore[1].

Kisha është ndërtuar dhe pikturuar në vitin 1525. Këtë fakt e vërteton një mbishkrim që gjendet mbi murin perëndimor të kishës: + Ανηγερθη κ(αί) ανηστοριθη ό θήος καί πανσεπ(τ)ος νάως του εν α / γιής π(ατ)ρ(ο)σ ημόν Αθανασιου του θαυματουργου Αλεξαντρί(ας). Δια σην / δρωμής κόπου και εξόδου τον εκτητορων της ηρημενης Πε / τσας και ενοριτον κ(αί) ή(ε)ρεως παπα διμ(ητρί)ου κ(αί) τον τεκνων ευτόν εκαστος κα(τα) τήν εαυ / (τού) διναμην. Επί ετους δ ε της ευδομης χηληαδος Λ. Γ. (7033 = 1525) ηπο χιρος εμου Ηληα λον / γοβητη. “U ndërtua dhe u pikturua ky tempull hyjnor dhe i gjithnderuar i atit tonë ndër shenjtorë Athanasit të Aleksandrisë çudibërësit, me kontributin, mundimin dhe shpenzimet e ktitorëve të Pecës së përmendur dhe të besnikëve (të famullisë) dhe të priftit Papa Dhimitrit dhe të bijve të tyre secili simbas fuqisë së tij. Në vitin shtatëmijë e 33 (=1525). Me dorën time të Ilia Llongovitit”[2].

Referenca