Atë Visarion Xhuvani (1890-1965), anëtar i parlamentit (1920-1924), Kryepeshkop i KOASH, foto e vitit 1923

Përshkrimi

Visarion Xhuvani
Visarion Xhuvani, biri i Joanit dhe i Efthimies, lindur në Elbasan e banues në Vlorë, me shtetësi e kombësi shqiptare. Mendohet se ka lindur më 14 dhjetor të vitit 1890. Kishte mbaruar shkollën e lartë të teologjisë.
Në vitet 1921 - 1929 është njohur si kryetar i Kishës Ortodokse Shqiptare, ndërsa në vitet 1929 – 1937 ishte kryepeshkop i kësaj kishe.
Gjatë luftës Xhuvani ishte mitropolitit i Beratit, Vlorës dhe Fierit. Pjesëmarrës kryesor në Asamblenë Kushtetuese të 12 prillit 1939. Më 16 prill 1939 ishte pjesëtar i delegacionit shqiptar që i ofroi kurorën Viktor Emanuelit në Romë.
I sjellë nga seksioni i Sigurimit të Shtetit në Vlorë para Gjykatës Ushtarake të Vlorës si “armik i popullit”, përbri emrit të tij shënoheshin fjalët se “kishte ndihmuar lëvizjen gjatë luftës”, ndërsa ishte në gjendje të keqe ekonomike.
Më 22 dhjetor 1947 gjykata në fjalë e kishte dënuar me 20 vjet burg, dënim të cilin në pjesën më të madhe e ka vuajtur në repartin nr.321 Burrel.
Pasi vuan më shumë se 15 vjet burg, duke përfituar 5 vjet nga dekretet e viteve 1957, 1959 dhe 1962, lirohet nga burgu më 27 nëntor 1962.
Xhuvani vdiq 3 vjet pasi doli nga burgu, më 1965.

(Përgatiti H. Zane)

Data

1923

Kontribuesi

NIKO KOTHERJA

Origjina

Arkivi i Z. Niko Kotherja

Subject

Besimet, Kisha Ortodokse

Arkiva Digjitale Shqiptare

Atë Visarion Xhuvani (1890-1965), anëtar i parlamentit (1920-1924), Kryepeshkop i KOASH, foto e vitit 1923

Etiketa të reja

Komentoni