Dervish Biçakçiu (1874-1952).
- Përshkrim
- Patriot veprimtar i lëvizjes kombëtare.
- Emri
- Dervish
- Mbiemri
- Biçakçiu
- Data e lindjes
- 1874
- Data e vdekjes
- 1952
- Kontribuesi
- Z. Kastriot Dervishi
- Të drejtat intelektuale
- Autori
- Jetëshkrimi
-
Lindi në Elbasan. Nëna e tij ishte bijë e Xhelal Zogut të parë. Dervish Biçakçiu ishte kushëri i parë me mbretin e ardhshëm të shqiptarëve, Ahmet Zogun. Mësimet e para i mori në vendlindje, ndërsa arsimin e mesëm dhe atë të lartë në Stamboll. Që në moshë të vogël zotëronte edhe gjuhën turke. Dervish Biçakçiu mbante letërkëmbim edhe me Faik Konicën. Njihen disa letra të Konicës për të. Në letrën e datës 18 prill 1896, që Konica e dërgon nga Parisi, ndër të tjera thotë se stili i të shkruarit të Dervish Biçakçiu. është “gjuhë filozofike”. Nga kjo letër informohemi se D.B. ka jetuar një kohë të gjatë në Turqi. Ndërsa në letrën datës 14 tetor 1908 që Konica e dërgon prej parisi citon: “Elbasani do të bëhet kryeqytet i Shqipërisë”. Kjo dëshirë e tij nuk u realizua.
2-9 shtator 1909 lshte ndër organizatorët kryesorë të Kongresit të Elbasanit, ku u zgjodh edhe kryetar i këtij kongresi. D.B. jshte dhe financues i shkollës Normale.Më 28 nëntor 1912 në Kuvendin e Vlorës qe delegat i Peqinit. Ky kuvend e zgjodhi edhe anëtar të Pleqësisë. Emri i D.B. përmendet në kujtimet e Eqrem Vlorës. Sipas tij, Ismail Qemali në nëntor 1912 para se të nisej për në Vlorë ka kaluar natën në çifligun e D.B. në fshatin Çermë të Lushnjës. Qeveria e Ismail Qemalit e ngarkoi D.B. me riorganizimin e Ministrisë së Financave. Por ai shumë shpejt mori anën e Esat pashë Toptanit dhe u bashkua me të. D.B. ishte deputet në v. 1932-1939, pasi u zgjodh dy herë në zgjedhjet e 11 nëntorit 1932 dhe 31 janarit 1937. Më 14 shtator 1943 ishte ndër anëtarët kryesorë të Komitetit Kombëtar. Zgjidhet sërish deputet edhe në zgjedhjet për Kuvendin Kombëtar të 1 tetorit 1943.Mbas Luftës së Dytë Botërore me vendosjen e regjimit komunist në Shqipëri, D.B. u largua jashtë atdheut. Vdiq në Liban. D.B. la tetë fëmijë.Më 25 shkurt 1952 “Blloku Kombëtar Indipendent” ndërpreu mbledhjen e tij të tretë të zhvilluar në Romë, për të respektuar kujtimin e D.B. Në këtë mbledhje Ernest Koliqi mbajti një fjalim ku ndër të tjera tha: Emni i Dervish beut lidhet ngushtësisht me atë lulzim ndjenjash pranverore dhe me shpresat guximtare që zgjoi ndër të gjith shqiptarët themelimi i Normales së Elbasanit ... Por jo vetëm si puntor ndër ma t’parët e lirisë do ta kujtojmë kët fisnik të shquar, por edhe si prind të një dëshmori të lirisë. I biri i tij Sefedini ra në lamë të nderit tue shugurue me gjak vullnetin e popullit shqiptar me u ndenjë besnik traditave ma të shëndosha.
- Item sets
- Portrete
Etiketa të reja
Part of Dervish Biçakçiu (1874-1952).
Renditja: 386 (158 shikime)
“Dervish Biçakçiu (1874-1952).”, Arkiva Digjitale Shqiptare, accessed 18 prill 2026, https://www.adsh.al/s/adsh/item/25085
Komentoni
No comment yet! Be the first to add one!