Dy Jugosllavë në shtëpinë e Qemal Kokalarit, viti 1949

Përshkrimi

Në vitin 1946, "Këshilli popullor" i lagjes Palorto, vendosi që në shtëpinë e Qemal Kokalarit të strehoheshin dy persona, shtetas jugosllavë, të cilët kishin ardhur me punë në Gjirokastër. Njeri prej tyre qe Mirko Braçiç nga Sllovenia, mësues i serbishtes në gjimnaz. Në vitin 1949, pas prishjes së marrëdhënieve të shtetit shqiptar me Jugosllavinë, të dy jugosllavët do të largoheshin me nxitim për t'u kthyer në vendet e tyre. Para se të largohej, Mirko do të kërkonte një fotografi të familjes së Qemalit, si kujtim për vitet e kaluara së bashku. Gjithë familja u mblodh para derës së madhe të shtëpisë dhe Mirko shkrepi aparatin për të bërë këtë foto, të cilën e mori me vete.
Shumë vite më vonë ai do të shkruante një libër, ku do të përshkruante me dashuri vitet e kaluara në Gjirokastër, duke përshkruar me nostalgji dhe imtësisht edhe bashkëjetesën me familjen Kokalari, madje edhe dhomën ku rrinte dhe si ndronte sipas stinëve peisazhi që shihte nga dritaret.
Ishte pikërisht ky përshkrim, që do të ndizte kërshërinë e djalit të tij Bojan, i cili 70 vjet pas shkrepjes së kësaj fotoje, do të ndërmerrte një udhëtim për të gjetur vendet ku i ati kishte jetuar, të cilat i kishin lënë kujtime të pashlyera. Kur ndërmorri këtë udhëtim, mendonte se shumë pak, ose aspak do të kishte mbetur prej vendeve që përshkruheshin në kujtimet e të atit, ndaj befasia ishte e madhe kur e gjeti në këmbë shtëpinë dhe pothuajse të pandryshuar dhomën ku kishte jetuar Mirko Braçiç. Por edhe më i madh ishte emocioni kur mësoi që njerëzit e kësaj shtëpie e mbanin mend të atin e tij dhe vazhdonin të ruanin kartolinat dhe letrat që ai u kishte dërguar.
Në foto familja e Qemal Kokalarit, fotografuar nga Mirko Braçiç në vitin 1949

Data

1949

Kontribuesi

Muzeu Kokalari

Formati

.jpg

Zona

Gjirokastër

Arkiva Digjitale Shqiptare

Dy Jugosllavë në shtëpinë e Qemal Kokalarit, viti 1949

Etiketa të reja

Komentoni