Aleks Buda në 70-vjetorin e shkollës Naim Frashëri

Përshkrimi: 70-Vjetori i hapjes së shkollës ''Naim Frashëri'' në Elbasan, si e para shkollë shqipe në këtë qytet ka qenë një eveniment i veçantë, jo vetëm për ceremoninë që u bë për çeljen e një shkolle që mban një emër të madh, por edhe sepse në këtë ceremoni përkujtimi mori pjesë Kryetari i Akademisë së Shkencave të Shqipërisë, prof. dr. Aleks Buda.
Prania e një akademiku të lartë në një kujtim të tillë la mbresa të veçanta jo vetëm për personelin arsimor të shkollës, por veçanërisht për nxënësit që do të kujtojnë se kanë patur fatin të kishin të pranishëm një kryeakademik elbasanas nga lagja Kala siç është Aleks Buda.
Me këtë rast në këtë shkollë u vizitua edhe muzeu ''Naim Frashëri'' si vepër e mësuesit të merituar Sami Domni që ka qenë i pranishëm në të gjithë ceremoninë.
Akademia e Shkencave të Shqipërisë ka pasur shumë figuara të shquara akademike nga Elbasani, ndaj dhe shpesh thuhej në atë kohë se ''në Akademinë e Shqipërisë fryn fllad Elbasani''.
Aleks Buda zë vendin e nderit të një akademiku me njohje të madhe në vendet europiane, dhe si një personalitet që i dha një frymëmarrje këtij institucioni të lartë të shkencave shqiptare.
Data: 1978
Kontribuesi: Zj. Mariana Danksi
Formati: JPG
Subject: Fotografia

< >

Arkiva Digjitale Shqiptare