Tregtarë elbasanas pranë dyqaneve të tyre, Elbasan 1942

Përshkrimi: 1942, Elbasan, Tregtarë elbasanas pranë dyqaneve të tyre.
Janë dyqane në qendër të qytetit, aty ku sot ndodhen shkallët lindore të Tuzimit Skampa midis tij dhe Rrapit të Bezistanit.
Rreshti poshtë nga e djathta në të majtë, Sulejman Stringa, Haxhihysen Papri (Stambollxhiu) ulur ku në sfond duket dyqani i tij i mishit, duke mbajt në prehër të birin Ibrahimin, Sulejman Furrxhiu, Ibrahim Furxhiu, ---.
Sipër, Ibrahim Ekmekçiu, ---, ---, Hyqmet Shkalla.

Sheshi te Rrapi i Bezistanit në Elbasan ka qenë dhe sheshi ku ishin dhe dyqanet e tregtarëve të këtij qyteti. Veçanërisht këtu bëheshin të gjitha llojet e pazareve sepse edhe dyqanet ishin të kategorive të ndryshme. Edhe pse sot ato janë të prishura, në kujtesën e elbasanasve ruhen të freskta dyqanet që kishin emërtime mbi bazën e tregtisë që bënin dhe pronarit të dyqanit.
Ishin të mirënjohura tregtitë që bëheshin ku marrëdhëniet e tregëtarëve elbasanas ishin të mirëkuptueshme, duke respektuar njeri-tjetrin.

Fotot që pasqyrojnë këtë realitet të vjetër janë një kontribut për kujtesën historike të Elbasanit.
Data: 1942
Kontribuesi: Z. Sulejman Furrxhiu
Formati: JPG
Subject: Fotografia

< >

Arkiva Digjitale Shqiptare