Tre mësues të gjimnazit Tormorr Sinani. Cerrik 1971

Përshkrimi: 1971, Cerrik, Tre mësues të gjimnazit Tormorr Sinani, pozuar në një moment të punës vullnetare që bëheshin me nxënësit e shkollave.
Nga e majta, Fadil Xhafa, mësues i lëndës së rusishtes, Edmond Tela, mësues i matematikës, Anastas Dodbiba, mësues i historisë.
Cerriku është qyteti që ka pasur një fat të madh jo thjesht si krijim i tij dhe që ka si ditëlindje 20 nëntorin 1952, në funksion të rafinerisë së naftës që u ngrit aty si model sovjetik.
Për më shumë, në qytetin e Cerrikut erdhën mësues nga Elbasani, veçanërisht ata që thuhej se kishin ndonjë “cen në biografi”, sipas këndvështrimit të diktaturës.
Por ajo që ka shumë rëndësi është fakti që nga këta mësues që ishin profesionistë të mirë të mësuesisë në lëndët përkatëse, përfituan nxënësit e shkollavet, fëmijët e familjeve cerrikase.
Gjimnazi Tomorr Sinani, i hapur në shtator 1962, ka nxjerrë shumë intelektualë të niveleve të larta në sfera të ndryshme të shkencave, artit skenik, shkrimtarë, studiuesish etj. Meritë e madhe është e mësuesve elbasanas, veçanërisht, që mësuan një brez të mirë me punën e tyre dhe me profesionalizmin e tyre siç ishin edhe këta mësues në lëndët e tyre.
Data: 1971
Kontribuesi: Z. Edmond Tela
Origjina: Arkivi i Z. Edmond Tela
Formati: JPG
Subject: Arsimi

< >

Arkiva Digjitale Shqiptare