Xhaferr Belegu (1904-1962)
Invalid data for media #14160.
- Përshkrim
- Xhaferr Belegu - historiani dhe diplomati elbasanas (1904-1962)
- Autori
- ADE
- Kontribuesi
- ADE
- Jetëshkrimi
-
Historiani dhe diplomati Xhaferr Belegu,u lind më 11 janar të vitit 1904 në Elbasan.
Kreu shkollën e mesme "Naim Frashëri" në qytetin e lindjes. Pastaj mes viteve 1920 - 1928 kreu studimet e larta për ekonomi, në Akademinë Tregtare në Linz të Austrisë.
Pasi mbaroi studimet në vitin 1928 dhe diplomohet, u kthye në Shqipëri. Fillimisht punoi në kryeministri, si kryellogaritar. Martohet me shtetasen me kombësi gjermane, znj.Leopoldina Stadelbauer, me të cilën ishin njohur në Linz, kur kryente studimet e larta.
Një vit më vonë, pra më 1929, emërohet korrier diplomatik në Ministrinë e jashtme. Më 1938 u emërua kryekonsull i Shqipërisë në Bari, Itali, detyrë që e kreu deri më 1939.
Po në këtë vit, boton librin “Lidhja e Prizrenit dhe veprimet e saj ”Edhe sot vazhdon te jetë, vepra më e plote dhe e arrirë për këtë ngjarje. Duke ditur disa gjuhë, ai hulumtoi dhe punoi në arkiva, për të ndriçuar më tej historinë e kombit shqiptar. Kjo është vepra që e rrjeshton Xhaferr Belegun midis historianëve, me një potencial të padiskutueshëm.
Më tej merr detyrën e konsullit, për problemet shqiptare në qytetin e Manastirit në Maqedoni. Puna e tij e lavderueshme dhe me profesionalizëm e kompetencë, ishte në mbrojte të të drejtave mbi pronat e shqiptarëve të përzënë nga trojet e tyre, nga shovinizmi nacionalist, bullgaro-maqedon.
Pas pushtimit të Shqipërisë nga nazistët, u kthye në atdhe, në Tiranë. Ishte antifashist e antinazist, përkrahu lëvizjen, por pas lufte, kjo nuk e ndihmoi, por përkundrazi, u përçmua dhe u përndoq. Kësisoj, punoi me detyra të thjeshta, si llogaritar e revizor në Cerrik e Elbasan.
Regjimi më vonë e dërgoi si punëtor krahu në fidanishten e ndërmarrjes pyjore.
Në vite të ndryshme, ai shkroi vepra, në doreshkrime, që një pjesë edhe janë botuar, si: ”Jeta e Ali Pashë Tepelenës”, ”Principatat shqiptare”, "Origjina e Aleksandrit te Maqedonise”, ”Si e cilësonte shqiptarin, gjermani Wirth”, ”Mendime filozofike mbi klasikët grekë” etj.
Nga martesa e tij pati një djalë, Luanin dhe një vajzë, Marlenën, të cilët, punuan me nder, kudo ku ishin.
Arkivi i qytetit tonë, mban emrin e tij "Xhafer Belegu".
Ndërroi jetë më 1 janar të vitit 1962 në Elbasan.
Etiketa të reja
Part of Xhaferr Belegu (1904-1962)
Renditja: 5306 (1 shikime)
ADE, “Xhaferr Belegu (1904-1962)”, Arkiva Digjitale Shqiptare, accessed 27 tetor 2026, https://www.adsh.al/s/adsh/item/14159
Komentoni
No comment yet! Be the first to add one!