Llambi Burgija (1938 - 2013) · Arkiva Digjitale Shqiptare

Jetëshkrimi: Llambi Burgija lindi në Gjirokastër, më 13 shtator të vitit 1938.
Mësimet e para i mori në Gjirokastër. U rrit jetim së bashku me të vëllanë, Llambi ishte në jetimoren e Gjirokastrës, kurse i vëllai në atë të Shkodrës.
Më tej vazhdoi shkollën mekanike dhe u punësua pranë Uzinës "Enver" në Tiranë dhe më pas në Uzinën e Naftës në Cerrik.
Aktivizohet në jetën kulturore të qytetit të Cerrikut si aktor e regjizor i Uzinës së Përpunimit të Naftës.
Talenti i tij u vu re edhe nga Sekretari i parë i partisë Thoma Deliana, i cili e transferoi në Estradën profesioniste të Elbasanit.
Në vitin 1959 pranohet fillimisht për të kryer vitin e provës në Estradën e Elbasanit dhe një vit më pas, në 1960, në moshën 22 vjeçare, pranohet në Estradë si aktor profesionist, pjesë e të cilës ishte aktiv deri në daljen e tij në pension.
U dallua për rolet e tij në teatër në: Operetën “ Vajza e Portokalllave “, dramën "Skëndërbeu" në rolin e Labit, drama "Vera e vitit '78" në rolin e kinezit etj.
Pas eksperiencës së tij si aktor, ndoqi edhe kursin e regjizurës për t'u profesionalizuar më tej.
Nga viti 1988 e deri në vitin 1995 vuri në skenë si regjizor disa shfaqje në Teatrin e Kukullave.
Në vitin 1995 del në pension.
Në 6 gusht 2013 ndahet nga jeta, duke lënë pas një galeri të madhe rolesh si aktor dhe pjesësh si regjizor, në në Estradën e Elbasanit dhe në Teatrin e Kukullave.
Llambi Burgia njihet ndryshe si musketieri i tretë pas Ferit Gjevorit dhe Hysen Bizës, i katërti vinte Agron Graceni.

Etiketa të reja

< >

Arkiva Digjitale Shqiptare

Llambi Burgija (1938 - 2013)

Etiketa të reja

Komentoni