Hoxhë Emin Hoxholli
Invalid data for media #13944.
- Përshkrim
- Hoxhë Efendi Hoxholli - figurë e nderuar e muslimanëve elbasanas
- Autori
- ADE
- Kontribuesi
- ADE
- Jetëshkrimi
-
Imam Emin Efendi Hoxholli lindi më 27 prill 1880, në Elbasan, në një familje me tradita atdhetare, kulturore e fetare. Mësimet e para i mori në vendlindje. Në vitin 1894 - 1895 shkon në gjimnazin e Manastirit dhe studimet i ndjek në Universitetin e Stambollit ku studion në fakultetin e teologjisë islame për 8 vite rresht.
Në vitet 1913 - 1917 përfundon studimet pasuniversitare në jurisprudencë e kthehet më pas për të shërbyer në atdhe. Në shtator të vitit 1917 filloi të punojë si myderis - mësues i gjuhës shqipe në xhami. Ai zotëronte 5 gjuhë të huaja: arabishten, persishten, turqishten e vjetër e të re dhe gjuhën greke. Ai përgatiti breza të tërë në medresenë e Elbasanit, ku punoi si mësues i gjuhës arabe e osmanishtes.
Në vitin 1921 shërbeu si Vaiz - ligjërues në xhaminë e Ballijes. Në vitet 1929 - 1939 kreu detyrën e drejtuesit dhe funksionarit të lartë të Myftinisë së Elbasanit.
Në vitin 1939, bashkë me 300 vullnetarë elbasanas shkon në Durrës në mbrojtje të territoreve të atdheut, akt për të cilin u dënua në vitin 1940 nga kuestura italiane dhe qëndroi një vit në burg.
Veprimtaria e tij religjioze, shoqërore dhe intelektuale në dobi të kombit, u shpërfill, u mohua e u dënua nga ateizmi komunist në vitet 1946 - 1950.
Në vitin 1953 deri në 1959 e internojnë në jug për t'i lëkundur e zbehur besim e tij fetar, të cilin kurrsesi nuk mundën t'ia hiqnin nga zemra. Në 1960 kthehet në vendlindje, por shtëpinë e tij e kishin zënë dis qeraxhinj dhe ai pati mundësi të rrinte vetëm në njërën prej dhomave të saj, ku kishte edhe bibliotekën e tij, të pasur nga literatura islame.
Për 6 vite rresht punoi si muderis në xhaminë e Ballijes dhe në vitet 1966 - 1967 ishte Imam tek Xhamia e Pazarit.
Në vitin 1967, vit në të cilin u ndalua besimi dhe praktimi i të gjitha feve në Shqipëri nga regjimi i asaj kohe, Hoxhë Hoxholli e kundërshtoi këtë vendim pa iu dridhur qerpiku për pasojat që mund të kishte. Në vitin 1968 i djegin shtëpinë, duke i shkatërruar edhe bibliotekën e rrallë fetare.
Imam Emin Efendi Hoxholli ndërron jetë në 23 mars të vitit 1970, duke u përcjellë me nder e respekt nga i gjithë populli i Elbasanit.
Hoxhë Hoxholli kujtohet gjithmonë si një nga figurat më të nderuara të intelektualëve islamë, si një njeri i përkushtuar, i cili evokonte vlera, mirënjohje, respekt, atdhedashuri e qytetari.
Etiketa të reja
Part of Hoxhë Emin Hoxholli
Renditja: 170 (318 shikime)
ADE, “Hoxhë Emin Hoxholli”, Arkiva Digjitale Shqiptare, accessed 24 korrik 2026, https://www.adsh.al/s/adsh/item/13943
Komentoni
No comment yet! Be the first to add one!