Hafiz Musa Basha (1892 - 1977)
Invalid data for media #13934.
- Përshkrim
- Hafëz Musa Basha (1 mars 1892 - 7 korrik 1977)
- Autori
- ADE
- Kontribuesi
- ADE
- Jetëshkrimi
-
Musa Basha lindi në Elbasan, më 1 mars të vitit 1892, në një familje arsimdashëse e të përkushtuar pas fesë islame.
Shkollën fillore e kreu në shkollën e Lagjes "Kala". Edhe shkollën Ruzhdie (gjysmë të mesme) e kreu në Elbasan, ndërsa të mesmen e ndoqi në Stamboll, ku studioi ndër të tjera edhe disa gjuhë të huaja si: arabisht, persisht, turqisht e frengjisht.
Nën gjurmët e sygjerimin e të atit, Haxhi Aliut vazhdoi studimet e larta për Teologji, njëkohësisht mbaroi edhe "hivzin", duke marrë kështu edhe titullin Hafëz.
Pasi mbaron studimet në Stamboll kthehet në vendlindje , ku fillon të shërbejë si klerik. U mor veçanërisht me programet e shkollave fetare në Elbasan, duke i përmirësuar gjithnjë e më shumë ato. Iu ngarkua të kujdej edhe për Xhamitë e qytetit. Ai u emërua Imam xhamie në një moshë fare të re.
Në vitin 1920 u martua me një vajzë, e cila ishte bijë e një familjeje të sektit "bektashi". Në vitin 1937, kur u dha urdhër të hiqej perçja, Hafëz Musai dha shembullin e pari duke i hequr perçen gruas së tij, që ditën e parë të zbatimit të ligjit. Gjithmonë është dalluar si klerik i përkushtuar ndaj islamit, por kjo nuk e ka penguar të jetë tolerant edhe me besimet e tjera fetare.
Për devotshmërinë, përkushtimin e seriozitetin që tregoi jo vetëm ndaj fesë, por edhe në çështjet e administrimit populli i krahinës së Çermenikës, në Nënprefekturën e Librazhdit, e zgjodhi Hafëz Musa Bashën, përfaqësues të tij në Kongresin e Parë islamik, që filloi punimet në Tiranë, më 24 shkurt të vitit 1923.
Në moshën 39 vjeçare u emërua Myfti i Prefekturës së Elbasanit, në qershor të vitit 1925, detyrë të cilkës i shërbeu me ndershmëri e përkushtim dhe emri i tij po lakohej gjithnjë e më shumë për mirë. Ai dha kontribut të madh në ngritjen e nivelit të shërbimeve në institucionet fetare. Këtë detyrë e kreu deri në gusht të vitit 1943.
Me gjithë potencialin e madh intelektual, fetar e shoqëror që gëzonte, ai e vazhdoi karrierën në një tjetër drejtim, atë politik. Si kandidat i Partisë Popullore ai u përball në zgjdhjet bashkiake të vitit 1928, me kandidatin e Partisë Pleqësore të krahut të Vërlacit.
Populli i Elbasanit i besoi votën dhe ai për dy vite e gjysmë ishte Kryetar i Baashkisë Elbasan, detyrë që po ashtu e kreu me sukses, duke sjellë ndryshime në administrimin e punëve të Bashkisë, ndryshime në pamjen e qytetit, në mënyrën e menaxhimit të taksave etj.
U largua nga detyra në vitin 1930, por gjithmonë mbeti i vlerësuar maksimalisht për kontributin që dha në këtë post të rëndësishëm. Për kryerjen me fisnikëri të detyrës së tij ai është nderuar edhe me titullin "Qytetar Nderi" i Elbasanit.
Pasi la detyrën në krye të bashkisë së Elbasanit, me urdhër të Ministrisë së Ekonomisë, në vitin 1931 Musa Basha caktohet si Kryetar i Dhomës së Tregëtisë së qytetit, detyrë të cilën e kreu deri në vitin 1935. Edhe këtu u tregua i suksesshëm. Tregoi interers mbi të gjitha duke i dhënë rëndësi organizimit të zejeve në Elbasan.
Në vitin 1936, i veshur me petkun fetar ishte pjesë e demostratës që u bë për kundërshtimin e zhvendosjes së Shkollës Normale në Shkodër.
Ishte pjesë aktive e politikës edhe në vitet '40 dhe ka dhënë kontribut edhe në krijimin e fronteve nacional - çlirimtare.
Midis viteve 1945 - 1954 ai ka kryer me sakrifica e dinjitet, edhe pse mes pengesash të shumta nga politika e kohës, detyrën e Kryetarit të Komunitetit Mysliman të Shqipërisë. Nuk ishte e lehte për të periudha e vitit 1967 kur u ndalua së ushtruari çdo lloj besimi fetar në vend dhe çdo klerik do të zhvishej nga petku i tij fetar. Ai nuk e priti aspak mirë këtë situatë, madje edhe e kundërshtoi, por gjithsesi Musa Basha, para gjithë popullit mbeti gjithmonë kleriku i nderuar, i cili me petkun fetar dha shumë për qytetin dhe për atdheun.
Hafëz Musa Basha u nda nga jeta në vitin 1977.
Ja si e kujton Mahir Domi Musa Bashën: "Dinte të shtrohej në bisedë me çdo njeri, me plakun e me të riun, me qytetarin e me fshatarin, me njeriun e thjeshtë e me njeriun e mësuar. Ishte i pajisur me një zgjuarsi të natyrshme, si klerik, ai nuk ishte fanatik. Të bënte përshtypje fakti se tek ai nuk vërehej as konservatorizmi i mjaft moshatarëve të tij".
Ndërsa akademiku Aleks Buda e risjell kështu figurën e Musa Bashës në kujtimet e tij: "Gjëja e parë që më bie ndërmend, kur e kujtoj, janë sytë e tij të kthjellët, shqyrtues e të zgjuar, ata e pasqyronin më së miri njeriun e çiltër, të drejtë e të zgjuar, të ndershëm e patriot". - Publisher
- ADE
Etiketa të reja
Part of Hafiz Musa Basha (1892 - 1977)
Renditja: 5257 (1 shikime)
ADE, “Hafiz Musa Basha (1892 - 1977)”, ADE, Arkiva Digjitale Shqiptare, accessed 6 qershor 2026, https://www.adsh.al/s/adsh/item/13933
Komentoni
No comment yet! Be the first to add one!