Agron Graceni ( 1935 - 1979)_1
Invalid data for media #13800.
- Përshkrim
- Duke kujtuar "Baçin" (Agron Graceni) e Estradës së Elbasanit
- Autori
- ADE
- Kontribuesi
- Z. Fetah Biza
- Jetëshkrimi
-
Një ndër aktorët e parë të estradës “Skampa” ishte edhe Agron Graceni. Galleria e figurave të krijuara nga ai janë nga më të bukurat dhe përbëjnë një thesar për skenën e estradës të qytetit tonë. Ai mbetet aktor i dashur për të gjithë spektatorët, meritonte respektin dhe admirimin e tyre në çdo spektakël. Vepronte në skenë me partërti, në interpretim ishte i saktë, konkret, i harmonizuar, dinte të kombinonte mendimin, fjalën, gjestin, kishte ngrohtësi, vepronte fuqishëm e me plot temperament, ishte i shkathët e i larmishëm, ishte aktor emocionant e me lojën e tij të bënte për vete.
E dashuronte gjininë e estradës dhe përpiqej që brenda specifikës së gjinisë të evidentonte personazhet pozitivë, për të pasqyruar sa më me vërtetësi njeriun tonë të ri, që lufton e nuk pajtohet me të metat. Përveç të tjerave, ai përpiqej nga shfaqja në fshaqje të pasuronte rolin me nota të reja e ide artistike. Tek personazhet e interpretuar prej tij ne shihnim të gërshetohej logjika me forcën e brendshme, me temperamentin e fuqishëm. Ai kalonte shumë natyrshëm nga një moment serioz në moment humoristik, duke shpërthyer aq e fuqishme, sa elektrizonte sallën me një humor të këndshëm e gazmor. Ai dinte ta zbërthente rolin me dinamizëm e kolorit kombëtar, me nuance të holla dhe kjo tregon potencën aktoriale e gamën e gjërë të planeve. Në galerinë e roleve të krijuara nga Agron Graceni (prej 20 vitesh në më shumë se 80 premiera dhe kryesisht ka luajtur role kryesore) gjen figura interesante, që ndryshojnë krejtësisht nga njera tjetra si nga ana e brendshme dhe e jashtme. Spektatori e dashuroi “daj Xhemën”, babai i pesë vajzave (premiera “Ndalim qarkullimi”), brigadier Metin (tek komedia muzikore “Festë në brigadë”), figura e Monçit do të mbetet e paharruar e për çdoVit të Ri do të kujtohet. Agroni na jep figura të tjera shumë interesante, personazhe që mbartin të meta e gabime, për të cilat ai gjente mjete shprehëse e detaje të goditura artistike, për t’i bërë qesharake. Të tilla na kujtohet magazinieri që kërkon t’ia bëj punën e magazinës “Gogol” vajzës që e kanë caktuar ta zëvendësojë tek skeçi “Ndihma e magazinierit”, shkesi tek skeçi ”Dhëndëri me dynyse”, ku Agroni përdorte një plastikë, që ne të gjithë e kishim zili për atë trup të shëndoshë që kishte. Të gjithëve na kujtohet detaji i tërheqjes zvarrë, që materializonte edhe mendimin e pjesës se e vjetra tek ne është e detyruar të tërhiqet zvarrë e të ngordhë, ajo s’epengon të renë përparimtare.
Një krijimtari të gjërë ka aktori Agron Graceni në skeçet politike, në figurat e urryera të tradhtarëve tëmarksizëm - leninizmit, në skeçin e Qamil Buxhelit “Ndodh në Kremlin”. Në interpretimin e këtyre roleve Agroni i dënonte, i saterizonte, i bënte qesharakë e të urryer në sytë e spektatorit këto kërma politike. I udhëhequr nga botëkuptimi ynë, dinte të jepte në skenë vitalitetin e sa sa figurave me potencë, që mbeten të paharruara në kujtesën tonë! Marinara i degjeneruar sovjetik tek skeçi “Ljuba”, afaristi amerikan në Kinë tek skeçi “Këngëtari i ri me tekst të vjetër”, profesor Polikronin tek skeçi “Materniteti”, nxënësin tek skeçi “Arsimtarët” etj.
Agroni kishte zë e vesh muzikor shumë të pranueshëm për skeçe, interpretues i shumë kupleteve e parodive të suksesshme. Kujtojmë korçarin tek parodia “Udhëtim i cilësisë”, labin tek parodia “Ç’u dëshirush me pa një gol”, kupletin “Ec moj ec” etj. Ato dëshmojnë për aftësitë e tij vokale si aktor i estradës.
Ai luftonte nga pozita parimore ndaj çdo gjëje që bëhej pengesë për punën në estradë, urrente shabllonizmin, rutinën. “E dobësojnë rolin lëvizjet e ndriçimet e tepërta dhe orvatja tjetër “për të mbërthyer” spektatorin me anën e efekteve të jashtme. Këto s’mund të jenë gjë tjetër veç ujdisje, akrobacira për sukses momental të regjisë. Mua- thoshteAgroni, -më intereson shumë mendimi i pjesës, interpretimi realist i aktorit. Kjo është më e rëndësishmja në skenë. Ai shqetësohej për repertorin. Shpesh shkroie dhe vetë ndonjë pjesë, skeç a parodi.
Agroni zotëronte mirë edhe mjeshtërinë e grimit, grimi i Agronit ishte i përsosur. Ai zbatonte me pasion e rigorozitet disiplinën artistike. Zotëronte gjithashtu mirë teknikën e të folurit skenik. Ai e shikonte artin e të folurit skenik si një element thelbësor të mjeshtërisë së aktorit. Kishte zë kumbues, frymarrje të saktë dhe qartësi në diksion. Nëpëret zërit ai nxirrte në pah brendinë dhe personazhin që interpretonte. Ishte sistematik në punën me rolin, përpiqej të nxirrte dobi nga çdo krijimtari e shëndoshë e me vlerë e partnerëve të tij. Luftonte për unitetin e kishte bindjen se kjo është shumë e rëndësishme për harmoninë e suksesin e spektaklit. Shembulli i Agronit, e gjithë jeta e tij në skenë, në punë, shoqëri e familje duhet të merren si shembull, veçanërisht nga të rinjtë, që vijnë në skenë e që do ta çojnë më lart stafetën e artit tonë.
________________________
Një shkrim nga Llambi Burgjija, marrë nga gazeta “Shkumbini”, më 30 korrik 1980, fq 4. - Publisher
- ADE
Etiketa të reja
Part of Agron Graceni ( 1935 - 1979)_1
Renditja: 619 (119 shikime)
ADE, “Agron Graceni ( 1935 - 1979)_1”, ADE, Arkiva Digjitale Shqiptare, accessed 6 qershor 2026, https://www.adsh.al/s/adsh/item/13799
Komentoni
No comment yet! Be the first to add one!